اكتشف مواهبك

[font=Arial Black]بسم الله الرحمن الرحيم[/font]

فى البدايه احنا طبعا عارفين احنا هنا فى قسم ايه -( المواهب والابداعات )- يعنى اى موهبة واى عمل مميز لشخص معين
الهوايه مش بس فايدتها انها بتميزنا عن غيرنا بالعكس - وكلامى ده مش هيحس بيه الا اللى بيمارس موهبته - ليها اهمية كبيرة جدا
انها بتساعدنا نحس بوجودنا بتساعدنا نطلع الللى جوانا كله ونرتاح .
بنحس اننا بنعبر عن نفسنا بنبقى مبسوطين عشان بنعمل حاجة بنحبها وحبنا ليها بيخلينا نبدع فيها .

اكيد كلنا بنشوف ان اللى بيحب حاجة بيتميز فيها مثلا الرسم كل ما كان الرسام محب للرسم بيكون بارع فيه وبيبدع فيه اكتر واكتر
زى بيكاسو مثلا كل الناس عرفاه وبتتكلم عنه لغايه دلوقتى وغيرهم وغيرلاهم فى كل المجالات.

مفيش انسان ربنا خلقه معندهوش حاجة بيحبها او بيستمتع لما بيعملها بس للاسف فى مجتمعنا فينا كتير مبيهتموش بهواياتهم رغم اهميتها
حتى لو كانت بسيطة.

اللى احنا هنعمله دلوقتى مع بعض اننا هندخل وكل واحد يكتب هوايته اللى بيحبها وان كان بيمارسها وحقق فيها نجاح ولا لا
ومفيش حاجة اسمها معنديش هواية دوروا جوة نفسكوا هتلاقوا اكيييييييييييييييد.

وبعد ما نقول هواياتنا ان كنا بنمارسها فنستمر فيها ونزودها- ولو حد يقدر يورينا حاجة من ابداعاته يتفضل - وان كنا مش بنمارسها فنبدا اننا نمارسها واكيد هنحس بفرق

ومتنسوش تبقوا تقولوا لنا ايه الاخبار ........؟؟؟؟؟؟؟؟؟؟

[center]

انا هبدأ يا جماعة
موهبتى : الكتابة
بمارسها مع نفسى مش على نطاق واسع
بحب اوى اكتب كل اللى انا عايزاه او حاسة بيه وبرتاح اوى لانى بقدر اقول اى حاجة انا عايزاها

وكمان هوايتى الجرى هى مش بس رياضة لا كمان بتريح جدا وبتخرج الطاقة اللى جوايا
بس للاسف مش بقدر امارسها كتير